हंसपुर–७ पर्साहीमा ‘उज्यालो भविष्य अभियान’ अन्तर्गत निःशुल्क ट्युशन कक्षा उद्घाटन
10 महीना पहिले प्रकाशित
राष्ट्रिय आवाज
जनकपुरधाम, मंसिर १६ गते
धनुषा जिल्लाको हंसपुर नगरपालिका–७ पर्साहीमा उज्यालो भविष्य अभियान अन्तर्गत निःशुल्क ट्युशन कक्षाको औपचारिक उद्घाटन गरिएको छ। शिक्षाबाट बञ्चित तथा शैक्षिक रूपमा पछि परेका समुदायका बालबालिकालाई लक्षित गर्दै सुरु गरिएको यस कक्षामा ५० जना बालबालिका सहभागी भएका छन्, जसमा सादा, मल्लिक र राउत समुदायका बालबालिका छन्।
उद्घाटन कार्यक्रम अभियानका संरक्षक पत्रकार मुकेश कुमार ठाकुर, स्वतन्त्र युवा अभियन्ता इन्जिनियर महेश यादव, सदस्य दिलीप सादा, असिमा सादा तथा स्थानीय समाजसेवी र अभिभावकहरूको उपस्थितिमा सम्पन्न भयो।
अभियान यसअघि धनुषाधाम–रामपुर, किसानपुर, सरस्वतीपुर र गणेशमान चारनाथ नगरपालिका–गोदारमा समेत सफलतापूर्वक सञ्चालन भइसकेको छ। अभियानका संयोजक नागेन्द्र महराका अनुसार हालसम्म ५ सयभन्दा बढी गरिब, दलित तथा विपन्न समुदायका बालबालिकाले निःशुल्क ट्युशनमार्फत शैक्षिक सहयोग पाएका छन्।
समुदायको शैक्षिक उत्थान र अवसर विस्तारमा उज्यालो भविष्य अभियान प्रभावकारी मोडेलका रूपमा अघि बढिरहेको छ।
यो खबर पढेर तपाईलाई कस्तो महसुस भयो ?
कमेन्ट गर्नुहोस्
दिपक श्रेष्ठ मण्डल जनकपुरधाम,भदौ २६ गते जनकपुरधाम स्थित रेलवे स्टेशनमा आयोजित कृष्ण जन्माष्टमी पूजा तथ..
दिपक श्रेष्ठ मण्डल जनकपुरधाम, भदौ २२ गते रसुवाको भोटेकोशी तथा त्रिशूली नदीमा आएको बाढी र प्राकृतिक विपद..
दिपक श्रेष्ठ मण्डल जनकपुरधाम, भदौ २२ गते रसुवागढीको भोटेकोशी नदीमा आएको प्रलयंकारी बाढी तथा प्राकृतिक विप..
दिपक श्रेष्ठ मण्डल जनकपुरधाम, भदौ २१ गते लायन्स क्लब अफ जनकपुरधाम जानकी र लायन्स क्लब अफ जनकपुरधाम रोयल्सक..
दिपक श्रेष्ठ मण्डल जनकपुरधाम,भदौ १८ गते धनुषाको धनौजी गाउँपालिकामा आर्थिक वर्ष २०८२/०८३ मा सञ्चालि..
.png)