नेपाली रेल मर्मतमा लगिँदै, सञ्चालनमा भारतीय रेल
1 वर्ष पहिले प्रकाशित
राष्ट्रिय आवाज
जनकपुरधाम, जेष्ठ १७ गते
चार वर्षअघि सञ्चालनमा आएको नेपाली डेमु रेल अब मर्मतका लागि भारत पठाइने भएको छ । यसबीचमा भारतले विकल्पस्वरूप एक सेट रेल नेपाल पठाइसकेको छ ।
नेपाल रेल्वे कम्पनीका अनुसार दुबै सेट रेल आइतबार उत्तर प्रदेशको लखनउ स्थित रेल कार्यशालामा पिरियोडिकल ओभरहलिङ (पीओएच) का लागि लैजाने तयारी गरिएको छ । कम्पनीका प्रबन्ध सञ्चालक निरञ्जन झाले मर्मत अवधि भर भारतीय रेल नै सञ्चालनमा रहने जनाएका छन् ।
निमित्त प्रशासकीय अधिकृत तुला डाँगीका अनुसार, लखनउमा नेपाली रेलको चक्का, इन्जिन, बोगी, सिट लगायत सम्पूर्ण पाटपुर्जा मर्मत गरिनेछ । एसी बोगीका केही सिट च्यातिएको र अन्य संरचनामा समेत टुटफुट देखिएकाले पूर्ण मर्मतपछि मात्रै रेल पुनः सञ्चालनमा आउने जनाइएको छ ।
भारतले मर्मत अवधिभर नेपालमा सञ्चालनका लागि आईसीएफ मोडलको सकुरवस्ती रेल बिहीबार नै धनुषाको इनर्वा पठाइसकेको छ । डाँगीका अनुसार, उक्त रेल सिंगल इञ्जिनसहित ६ वटा जनरल बोगीयुक्त छ । यद्यपि, यसमा एसी बोगी भने छैन ।
आरम्भमा भारतले लखनउ सम्मको रुट प्रयोग शुल्क माग गरे पनि अन्ततः मर्मत, रेल सञ्चालन र रुट प्रयोगसम्बन्धी कुनै शुल्क नलिइने सहमति भएको कम्पनीले स्पष्ट पारेको छ ।
नेपालमा २०७७ सालदेखि भारतबाट खरिद गरिएको दुई सेट डेमु रेल जनकपुर–कुर्था खण्डमा सञ्चालन हुँदै आएको थियो ।
यो खबर पढेर तपाईलाई कस्तो महसुस भयो ?
कमेन्ट गर्नुहोस्
मोनु गुप्ता राष्ट्रिय आवाज जनकपुरधाम, साउन ९ गते जनकपुरधाम सुनचाँदी व्यवसायी संघको अध्यक्षमा राजिव कुम..
माेनु गुप्ता राष्ट्रिय आवाज जनकपुरधाम, श्रावण ९ गते मधेश प्रदेशमा देखिएको रगत अभाव न्यूनीकरण गर्ने ..
राष्ट्रिय आवाज जनकपुरधाम, साउन ७ गते धार्मिक, सांस्कृतिक तथा ऐतिहासिक नगरी जनकपुरधामको समग्र विकास बलेन सरका..
राष्ट्रिय आवाज साउन १ गते ,जनकपुरधाम जनकपुरधाम–४ स्थित ब्याहुत सेवा समिति (कलवार कुट्टी), नेपाल ले महिलाक..
दिपक श्रेष्ठ मण्डल जनकपुरधाम, असार ३२ गते धनुषा जिल्लालाई पूर्ण खोप सुनिश्चितता तथा दिगोपना जिल्ला घ..
.png)