जानकी सेकेन्ड्री बोर्डिङ्ग स्कुल द्वारा दुई दिने शैक्षिक मेलाको आयोजना

धिरेश दत्त / राष्ट्रिय आवाज 

जनकपुरधाम , फागुन २८ गते 

जनकपुरधामको सबभन्दा पूरानो र प्रतिष्ठित बिद्यालय जानकी सेकेन्ड्री बोर्डिङ्ग स्कुलले दुई दिने होली महोत्सबको अवस पारेर शैक्षिक मेलाको आयोजना गरेको छ।

शैक्षिक मेला फाल्गुन २७ गते (मंगलबार) देखि सुरु भएको छ । मेलामा छात्र-छात्राहरुद्वारा निर्मित बिज्ञान प्रबिधिहरुको नवीनतम प्रयोग, कला सँस्कृतीहरु सँग जोडिएको सामग्रीहरु प्रस्तुत गरिएको थियो भने आज २८ गते (बुधबार) छात्र-छात्राहरुद्वारा रंगोली कार्यक्रमको आयोजना गरेका थिए । कार्यक्रममा बिद्यार्थीहरुले उत्साहजनकरुपमा सहभागिता लिएका थिए भने अभिभावक,राजनितिकर्मी तथा संचारकर्मीहरुको पनि उल्लेख्य सहभागीता रहेको थियो ।

यसै सन्दर्भमा जानकी सेकेन्ड्री बोर्डिङ्ग स्कुलका संस्थापक प्रिन्सीपल प्रमोद अग्रवालले “यस बिद्यालयमा हाम्रा बिद्यार्थीहरुले हरेक पर्वमा आ-आफ्नो कला सँस्कृतीहरुको उजागर,संरक्षण सम्बद्धन गर्ने उदेश्यले आ- आफ्नो प्रस्तुतीहरु गर्दै आईरहेको” बताउनुभयो । 

पढाई लेखाई सँगै अतिरिक्त कृयाकलापहरुले गर्दा बिद्यार्थीहरुको मनोबल उच्च हुनुको साथै बुद्धि बृद्धि भई क्षमता बिकासमा सहयोग हुने भएकाले हामीले तिनीहरुलाई आफ्नो तर्फबाट हरसम्भव सहयोग गर्दै आई रहेको बताए ।

त्यस्तै सह-प्रधानाध्यापक नरेश प्रसाईंले हाम्रो बिद्यालयका छात्र-छात्राहरुले हरेक चिजमा नम्बर वाँन बन्दै गईरहेको प्रति खुशी ब्यक्त गरे । पढाईलेखाई बाहेक अतिरिक्त कृयाकलापहरुमा भाग लिदैं बिभिन्न पुरस्कारहरु हातपार्न सफल भएको यस बिद्यालयका छात्र-छात्राहरु प्रति खुशी ब्यक्त गर्दै आगामी दिनहरुमा पनि यस्ता कार्यक्रमहरुलाई निरन्तरता दिने बताउनुभयो ।