घर जग्गा व्यवसायी संघ द्वारा होली मिलन समारोह

मोनु गुप्ता / राष्ट्रिय आवाज 

जनकपुर धाम, फागुन २६ गते 

जनकपुरधाम घर जग्गा व्यवसायी संघद्वारा आज सोमबार आयोजित होली मिलन समारोह भव्यताका साथमा सम्पन । जनकपुरधाम घर जग्गा व्यवसायी संघका अध्यक्ष रञ्जित पजियारको अध्यक्षता तथा जनकपुरधाम उपमहानगरपालिकाका नगर प्रमुख मनोज कुमार साहको प्रमुख आतिथ्यतामा भएको कार्यक्रममा सम्बोधन गर्दै होलीलाई रङहरूको पर्व भनिन्छ, जसमा मानिसहरू एकअर्कालाई रङ र अबिर लगाएर खुसी मनाउँछन भन्दै मेयर साहले असत्यमाथि सत्यको विजयको प्रतिक भक्त प्रह्लाद र होलिकासँग सम्बन्धित छ, जसले असत्यमाथि सत्यको विजय दर्शाउँछ भन्दै होली पर्वको सकारात्मकता सन्दर्भमा प्रकाश पारेका थिए।

त्यस्तै युवा नेता अम्बु प्रसाद साहले सामाजिक एकता र मेलमिलापका प्रतीक होली जाति, धर्म, वर्ग तथा सामाजिक भेदभावलाई हटाई आपसी भाइचाराको भावना बढाउने पर्वको रुपमा चित्रण गरेका थिए।

होली कार्यक्रममा उपमहानगरपालिकाको वडा नं. १६ का अध्यक्ष रामचन्द्र पजियार, उद्योग वाणिज्य संघ मधेश प्रदेशका उपाध्यक्ष जितेन्द्र महासेठ, जनकपुरधाम घर जग्गा व्यवसायी संघका अध्यक्षीय सल्लाहकार अम्भु प्रसाद साह, जनकपुर जेसिज वर्ष २०२५ का अध्यक्ष मुकेश कुमार साह , टुरिष्ट गाइड जनकपुर धामका प्रतिनिधि विक्रम साह लगायतका उल्लेख्य सहभागितामा सम्पन।