रामजानकी युवा कमिटी द्वारा हर्षोल्लासपूर्वक गणेश चुतुर्थी मनाउँदै

विक्रम साह 

जनकपुरधाम २३ भदौ । जनकपुरधामको पेठिया बजार स्थित गणेश मन्दिरमा हषोल्लास पूर्वक गणेश चतुर्थी मनाउँदै छ ।  

पेठिया बजार स्थित रामजानकी युवा कमिटीले पूजाकै लागि स्थापित गणेश मन्दिर तथा सोको वरिपरिलाई दुल्हिन झै श्रृगारिएको छ । 

मिथिलाको पूजापाठको आफ्नै विशेषता हुन्छ, गणेश भगवानको पूजा सबै ठाउँमा मनाइन्छ, तर यहाँ मिथिला संस्कृतिमा रही भव्यता पूर्वक गणेश भगवानको पूजापाठ एवं श्रृगारिने कार्य गरिएको कमिटीका अध्यक्ष धर्मेन्द्र साहले बताउनुभयो । उहाँले धनुषामै गणेश पूजा फरक किसिमले मनाउने उद्देश्यले मन्दिरको साजसज्जा सहित पूजापाठ गर्ने गरेको बताउनुहुन्छ । हरितालिका तीज व्रतालुहरुका लागि पनि छुट्टै व्यवस्था गरिएको थियो । धार्मिक साँस्कृतिक कार्यक्रमको समेत आयोजना भएकोले जनकपुर नगरी भरका श्रद्धालुहरु यहाँ गणेश पूजामा सहभागी हुने गरेको उहाँले दावी गर्नुभयो ।

पेठिया बजार स्थित गणेश मन्दिरको पूजापाठमा नेपाल सरकारका पूर्व उपप्रधानमन्त्री एवं एमाले नेता रघुवीर महासेठ लगायत साँसद नेता तथा सामाजिक व्यक्तिहरु सहभागी हुने गरेको अध्यक्ष साहले बताउनुभयो । 

गणेश चुतर्थी पूजाका लागि कमिटीका पदाधिकारीहरु साताअघिदेखि अहोरात खटिरहेका छन् । मिथिलाको पहिचान सहित गणेश भगवानको पूजापाठमा सहभागीहरुका लागि कमिटीका अध्यक्ष साहले नगरवासीहरुलाई आग्रह समेत गरेका छन् ।