दहेज मुक्त आदर्श विवाह सम्पन्न, ‘बेटी बचाउ–बेटी पढाउ’ अभियानलाई थप बल

रेविता कुमारी 

जनकपुरधाम , असर १० गते 

जय माँ जानकी समाज सेवा नेपाल द्वारा आयोजन तथा हिन्दु सम्राट सेना जनकपुर धामको सहयाेगमा “दहेज मुक्त मिथिला अपन सभक अभियान, बेटी बचाउ–बेटी पढाउ, बेटा–बेटी एक समान” भन्ने मूल नारालाई आत्मसात गर्दै सिरहाका एक आदर्श  दहेज मुक्त विवाह सम्पन्न भएको छ।

सिरहा जिल्लाको निपनिया–३ निवासी डमर नारायण साह हलुवाईका पुत्र दिय नारायण साह र कर्जन्हा नगरपालिका–१० निवासी सन्जु कुमारी साह बीच दहेज विना जनकपुर धाम वर्ड नं १३ मनिमण्डपमा आदर्श विवाह सम्पन्न भएको जय माँ जानकी समाज सेवा नेपालले जनाएको छ।

संस्थाले दहेज प्रथा, बालविवाह, छुवाछुत तथा महिला हिंसा जस्ता सामाजिक विकृतिविरुद्ध निरन्तर जनचेतनामूलक अभियान सञ्चालन गर्दै आएको छ। सोही अभियानअन्तर्गत सम्पन्न उक्त विवाहले समाजमा सकारात्मक सन्देश प्रवाह गरेको संस्थाको विश्वास रहेको छ।

संस्थाका प्रतिनिधिहरूले दहेज प्रथा समाजका लागि अभिशाप भएकाले यसलाई अन्त्य गर्न सबै समुदाय, अभिभावक तथा युवाहरू एकजुट हुनुपर्ने बताए। दहेज मुक्त विवाहले आर्थिक बोझ कम गर्नुका साथै महिला सम्मान, समानता र सामाजिक सद्भाव प्रवर्द्धन गर्ने उनीहरूको भनाइ छ।

जय माँ जानकी समाज सेवा नेपालले आगामी दिनमा पनि दहेज मुक्त मिथिला निर्माणका लागि यस्ता अभियानलाई थप प्रभावकारी रूपमा अगाडि बढाउने जनाएको छ।